【新增動新聞】

又到咗年度iPhone開賣日，用家們想第一時間買新機，炒家們亦希望搵個靚價賣機，賺多一啲得一啲。跟以往一樣，第一批iReserve買家被安排於早上8時正開始，在港九新界各Apple Store買機，而今次除了有Gadget Guy 韓繼聰在銅鑼灣店直擊首賣實況外，同一時間更有記者司徒港燊喺尖沙咀廣東道店，親身攞早幾日訂到嘅新機。

睇番現場，銅鑼灣排隊入舖的買家明顯較尖沙咀多，除已經預約的買家外，亦有街客入舖試機。不過大家記得，如果早前冇預約購買，今日係唔可以walk in購買。

講埋大家最關心的市況，銅鑼灣舖外只有少量內地人收機，但亦有人成功放機，收機者轉個頭就已經轉售他人，不過轉手賺幾個開就唔知喇。尖沙咀現場雖然收機者眾，但居然沒有內地人，多為歐洲及南亞人，價錢亂開，更加係用美金收機。孝子手持iPhone XS Max 256GB親身問價，收機價曾經高開機價+$1,000，亦試過僅有機價+$201，分分鐘車費都蝕埋。

記者：韓繼聰、司徒港燊、梁志穎
攝影：梁志永、蕭志南

********
據聞SmarTone貨量多，出iPhone最着數!上全新4.5G全速計劃出機，有高達$1,500折扣，再送雙倍數據同大灣區數據！即刻上台啦 http://bit.ly/2QKbnM0！