全球樓行|陳思銘持五英國物業 「我買樓係因為爸爸」
全球樓行陳思銘英國物業
英識教育創辦人陳思銘(Samual),原本一直發展海外升學業務,近年進一步拓展海外樓市業務,他表示開展此一切亦是因緣際會。
陳思銘表示,2017年赴英工作期間,更首次於曼城置業,以230萬元買入兩房單位,「嗰時我搵經紀買,當時經紀冇幫我爭取任何嘢,我又冇得平,又冇傢私送,又冇咩律師優惠,乜都冇。」經一事,長一智,獲得發展商聯絡後,「我問佢哋,如果我十個人一齊買,係咪可以平啲,佢話『係,可以畀晒啲優惠你。」
結果去年因疫情,升學業務生意慘淡,當時於是再投資英國樓當投資,並首次於Facebook召集團購,結果成功賣出60多個單位,隨後幾次利用社交媒體作宣傳,亦長賣長有「賺返晒」,因此決定開展英國樓盤中介服務,並將於本周進一步開大型展銷會。
目前已手持5個英國物業的陳思銘坦言,「我買樓唔係因為想炒樓,中產心態,我買樓係因為爸爸。」陳思銘憶述,父親曾經歷生意失敗,致家道中落,負債累累,「我出一嚟做嘢,佢就成日喺耳邊怨,早知嗰時買樓,買咗就唔使咁辛苦,佢成日都提我,你買樓,你有事,按咗佢你可以東山再起,你層樓可以幫到你。」受父親影響,現時只要儲夠彈藥,他就會投資物業。
他表示對英國樓市投資最滿意,是出租快,租金回報亦達5厘,「我買親都穩步升,但租金冇空置時間,而家曼城更利害,你未收樓已經有租客。」就他而言,「有錢我唔會投資倫敦以外地區,我而家都同朋友講,我都唔鍾意曼城,但我鍾意Media City。」他解釋,不少傳媒機構,如BBC都駐紮Media City,因此租客水準較高,治安亦比曼城其他地區好。
對於英國樓市前景,他表示,英國6000多萬人口,有一半人租樓,令租務市場暢旺,「但如果你講炒樓,英國一定唔會好似香港咁,全世界得香港人DNA係咁。」不少人質疑,指港人會炒貴英國樓,「答案係唔會,大家需要嘢都唔同。」他又解釋,雖然現時英國樓盤受海外人士青睞,特別是香港人,「比例其實都係好細,香港人睇到自己太重。」
Produced by: Fruity Nutty Studio
Portman Ventures 英國曼城樓盤講座&團購展銷會
地點:香港銅鑼灣告士打道310號柏寧酒店26樓藝軒一
講座嘉賓: 才子陶傑、英國KOL Samuel Chan、英國執業律師Henry Sit 、海外物業按揭顧問 Peggy Choi
-----------------------------
-----------------------------
-----------------------------