賴：前騎師賴維銘
記：記者吳文輝

記：剛戰（21日）田泰安五捷威到盡，搞到莫雷拉同潘頓均被比下去，潘頓更加無頭馬，今次（25日）谷中夜賽你又點睇？

賴：莫、潘今戰手馬唔錯，相信要贏馬並非難事。莫雷拉座騎我較喜歡第五場四班1200米鄉村俱樂部盃的「王者奇兵」，呢匹馬上季初跑快活谷由夏禮賢（前任公司騎師）策騎，末段勢頭唔錯，但在馬群中間有點唔願過馬，加上人馬節奏唔太順暢，正常已經贏咗。

最近一課試閘莫雷拉不斷搵位，輕推下輕鬆越過對手，質態俱備，穩位望贏。至於潘頓第三場四班1200米的「快樂歡騰」，上季此程曾與「電訊兄弟」、「小鳥敖翔」及「禾道駒」幾乎一齊衝線得第四。

此駒計實力必超第四班，可惜本身情緒欠穩影響成就，埋門「快樂歡騰」試閘急勁，有火有力，雖然潘頓冇操過，但佢今季同蘇偉賢合作不勝有Q，依然值得睇好。

記：第六場三班1000米「寶山鷹」上季同程排12檔你照貼都贏，今次升班由潘頓轉為用雷神，你會否繼續睇好？

賴：「寶山鷹」質素相當高，上季走規未純熟憑質取勝，今季所見馬兒換腳比上季流暢得多，步姿更平穩，成熟進步，不過同場的「衝亞」質素同樣唔差。今場「衝亞」排4檔加上用陳嘉熙減十磅，會畀到「寶山鷹」一定威脅，不妨買條單Q啦！

------------------------------
參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
https://forms.gle/dN9hfSiFxc7T8E436
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港