售賣內地政治敏感題材書籍的銅鑼灣書店，股東李波等5人失蹤多日，中共喉舌《環球時報》社評日前直認「全世界的強力部門通常都有規避法律讓一個被調查者進行配合的辦法」，如同默認有內地執法人員來港帶走李波。基本法委員會委員劉迺強指，不知甚麼是「規避法律」，不評論《環球時報》的說法，「佢點講唔關我事」，反指李波「係咪失蹤者都唔知」，「如果我喺北京買張電話卡，打電話都係北京號碼啦，而家李波（來電顯示在深圳）件事都是猜想，一張電話卡係不可以成為一個證據。」

劉迺強出席「大中華青年在線」的講座後指，現階段無任何證據說明李波「到底佢喺香港定唔喺香港」，批評有人無足夠證據「搞到滿城風雨」，不負責任，「呢啲搞事嘅人一定唔係普通無知嘅人，係有身份、有知識嘅人。」被問到是誰搞事，他只說：「大家都睇到，唔使我講啦！佢哋係不負責任……（李波）係咪失蹤者都唔知。」

他強調，內地執法人員不可在香港執法，但同意同場發言的「粗口大狀」、民建聯大律師馬恩國的觀點，認為在香港出版顛覆國家政權、誹謗國家主席是書本，有違內地法律，「香港係中國國境，佢賣嘅、出版嘅書係違反內地法律。」不過他又稱，看不到李波事件會影響一國兩制。