隔牆有耳：「港女北嫁」借題發揮
《人民日報》踩港男不思進取 - 李八方
蘋果日報 2015/04/21 00:00
內地官方喉舌《人民日報》噚日大篇幅報道，香港每10對結婚新人中，就有1對係港女嫁內地男，內文仲借題發揮，大踩港男不思進取，及唔上內地男高富帥，所以港女唔吼港男，轉投內地人懷抱咁話。報道一出，即刻喺網上惹嚟熱論，唔少人為港男平反，覺得港男邊度有咁差？有人呼籲想北嫁嘅港女，內地小三多，婚姻未必笑呵呵！
《人民日報》海外版呢篇題為「為什麼港女越來越願意北嫁」嘅署名報道話，回歸前中港婚姻主要係基層、年長、學歷唔高嘅港男北上娶妻，又話呢類婚姻通常同老夫少妻、家庭暴力等負面標籤掛鈎。到近年港女北嫁比例大增，由1997年只有675人，到2014年變成5,400幾人。
報道訪問咗一位喺廣東讀大學，有個廣州男友嘅港女Mary，Mary稱雙方冇文化差異，亦唔會因為自己係香港人就有優越感，內地好多城市發展比香港好，將來結婚會選擇廣州或者深圳定居。報道同時訪問學者、婚介機構嘅意見，大力唱好港女北嫁，而結論就梗係中港婚姻有助中港融合啦！
《人民日報》海外版呢篇題為「為什麼港女越來越願意北嫁」嘅署名報道話，回歸前中港婚姻主要係基層、年長、學歷唔高嘅港男北上娶妻，又話呢類婚姻通常同老夫少妻、家庭暴力等負面標籤掛鈎。到近年港女北嫁比例大增，由1997年只有675人，到2014年變成5,400幾人。
報道訪問咗一位喺廣東讀大學，有個廣州男友嘅港女Mary，Mary稱雙方冇文化差異，亦唔會因為自己係香港人就有優越感，內地好多城市發展比香港好，將來結婚會選擇廣州或者深圳定居。報道同時訪問學者、婚介機構嘅意見，大力唱好港女北嫁，而結論就梗係中港婚姻有助中港融合啦！
內地男喜港女獨立學歷高
其中有接受《人民日報》訪問嘅聚緣坊負責人鄭莉莉噚日同八方話，中港婚姻近年的確起咗變化，港男喺內地唔再吃香，反而唔少內地有學歷同有經濟條件嘅男士都鍾意娶港女，覺得港女獨立、學歷高、工作能力又強，會係賢內助。
但佢唔認同報道話港男不思進取，指港男其實只係受制於近年中港經濟環境嘅轉變。近年內地經濟飛躍，內地大城市嘅女性擇偶條件自然高，亦唔希罕嚟港定居，所以港男身份無分加。但港男其實唔係冇優點，唔少內地女都鍾意港男有風度同埋顧家，唔似得內地男咁大男人，佢建議想娶內地女嘅港男可以主動出擊，北上發展，自然大把良緣。
但佢唔認同報道話港男不思進取，指港男其實只係受制於近年中港經濟環境嘅轉變。近年內地經濟飛躍，內地大城市嘅女性擇偶條件自然高，亦唔希罕嚟港定居，所以港男身份無分加。但港男其實唔係冇優點，唔少內地女都鍾意港男有風度同埋顧家，唔似得內地男咁大男人，佢建議想娶內地女嘅港男可以主動出擊，北上發展，自然大把良緣。