側田噚晚同女友約咗一男一女朋友去咗南華會打保齡球，約十一點左右佢地四個人打完波出嚟，已經急不及待喺門口煲煙。煲完煙佢哋就步行去大坑搵地方醫肚，點知好多食店都閂咗門，佢地只好再行過去天后嗰邊搵食。準備過馬路嗰陣，紅綠燈突然由綠轉紅，側田急忙拖住女友手快速過對面馬路，然後一行四人入咗一間日本餐廳，不過間餐廳就閂門，所以冇招呼佢地。最後行到去清風街搵到一間韓燒仲開緊鋪，佢哋終於可以坐低食飯喇！

大概食咗個幾鐘，側田又同女友出嚟煲煙，見佢食食下煙無啦啦將頂帽除咗落嚟，煲完煙準備返入去餐廳坐時，見佢又戴番頂帽先至入去。坐咗一陣佢又同朋友出嚟再食咗支煙，然後見佢地打電話準備call車走人，因為車未到，佢地又回去餐廳等車，到車嚟到，只見佢同女友一齊坐部車返回香港仔寓所。