已經退役嘅日本著名相撲手貴乃花（前名：貴花田），曾經於90年代同宮澤里惠有過婚約，點知貴乃花後來取消婚約，令宮澤里惠大受打擊並患上厭食症，一度陷入人生低潮。

現年45歲嘅貴乃花於95年改娶女主播河野景子為妻，兩人婚後育有兩子一女。大仔花田優一今年已經21歲，與貴乃花似足餅印，佢經到美國留學，之後去咗意大利學習造鞋技術三年，近年佢不時都有亮相電視節目，講述製鞋經驗，以踏實名人二代嘅形象獲得支持。

今年8月，花田優一更與Megu Entertainment簽約踩入藝能界，自此佢嘅曝光率更加多，更固定主持電台節目，但隨住花田優一曝光率大增，不時於節目暢所欲言，一句：「我當然受歡迎，唔受歡迎就造唔出好嘅鞋。」令人覺得佢為咗追女仔先學習造鞋，外界認為佢嘅形象同初時謙卑好唔同，即時好感度大跌，大多網民現時對佢嘅評價都漸趨負面。