堪稱史上最敗家星二代嘅27歲女星坂口杏里，上月無啦啦宣佈下海做小姐，仲會期間限定進駐位於兵庫縣神戶市嘅風俗店，當時佢話會賣肉為期20天，又列明收費，一小時肉金要7萬日圓（約5,000港元），90分鐘及120分鐘分別索價11萬日圓（近7,810港元）同埋15萬日圓（近1萬港元），加鐘每30分鐘另收2.4萬日圓（約1,700港元），率先預約仲有接近半價嘅優惠。

據透露，坂口杏里今次高調賣淫成功製造話題，有指每日接客10次，每人消費只少要5千港元，估計佢一日已賺得近100萬日圓（約7.1萬港元），原本駐場20日嘅佢，結果短短兩日已自動辭職，似乎已成功撲水，佢早已落實原定昨日起到另一架步跳艷舞，但在兩日前卻臨時甩底。

坂口杏里係70年代日劇《新青春火花》女星坂口良子嘅獨生女，當母親離世後，坂口杏里沉迷鴨店惹來周身債，先後要拍AV及到六本木高級酒吧任職陪酒女，以不同方式四圍撲水還債。

精選娛聞，喺晒《娛果》
http://fb.com/appledailyent