澳洲籍騎師潘頓在周日（18日）沙田賽事，共有九匹座騎，普遍頗具爭勝實力，隨時可大演帽子戲法，現時騎師榜上僅落後莫雷拉9W，鬥志百分百。

事實上，潘頓此位好手，確實比起其他騎師勤奮，除一早到場之外，每朝落足心機課馬。今朝（16日）五點幾已見他到達沙圈等候試馬。

當中，上仗在其胯下一放到底的「艮志騰雲」，由潘頓親自策騎往大跑道單試考驗800米，走勢吸引，火力俱備。

此匹靚仔馬自上回勝後，更趨成熟，乖巧文靜，在課後，見潘頓猛拍馬頸嘉許一番，又返烽火台向練馬師文家良匯報，二哥對此駒重視之情便知一二，今戰只加四磅原班再戰勝途，相信阻力不大，此路人馬隨時食過翻尋味。