韓版《步步驚心》36歲男星李準基去年4月認戀34歲女星全慧彬，雖然有指二人秘戀兩年，但兩人公開戀情4個月就因為各有各忙而分手收場。

而全慧彬一向公認身材均勻，亦曾以三點式泳裝示人，雖然外表充滿女人味，但骨子裡亦都好男仔頭，佢出演綜藝節目《叢林的法則》時因為膽色過人，而被封為「萬能女戰士」。

而全慧彬前日就喺Instagram上載自己戴上超短假髮嘅照片，又留言：「#轉換氣氛 #太短了嗎 #係假髮 #結論係不剪短髮。」似乎對自己短髮造型唔多滿意，反而佢個短髮look就獲網民激讚，有網民就大讚佢好靚仔，仲話佢似足男團Super Junior嘅34歲金希澈，而希澈不時亦愛喺網上分享自己扮女仔嘅相，同樣獲讚靚過女人。

更多韓流，喺晒《娛果》
http://fb.com/appledailyent