當年今日
關於我們

【影后唔吼師奶殺手】齋藤工出冧招宮澤里惠冇眼睇

蘋果日報 2015/03/02 06:00

宮澤里惠齋藤工壁咚Tamori

日本男星齋藤工入行十幾年終於捱出名氣,接完鹹鹹地日劇《晝顏》成為新一代師奶殺手,佢最近就亮相影后宮澤里惠同名嘴Tamori主持嘅深夜節目,為咗要證實齋藤工嘅魅力,佢同一把年紀嘅Tamori齊向宮澤使出壁咚(即拍牆埋身)冧招,不過宮澤似乎唔多受落,仲咪實雙眼乘機鬆人,場面都幾惹笑。

齋藤工喺節目又自動爆料,由於未走紅時實在收入有限,所以要兼職派報紙,對於日本嘅派報行業都有專業權限,齋藤工話目前仍保留住派報員資格,唔排除日後變回奀星要重操故業。

其實齋藤工都不止一次睇淡自己事業,佢分別上節目同公開活動講過,自己或者會喺今年消息娛樂圈,佢承認太多顧慮諗埋一邊,難怪齋藤工就算上位後都慷慨露肉,更自封「男版壇蜜」發展。