由黃毓民、長毛同麥國風等牽頭嘅社會民主連線,終於趕及喺國慶日正式成立,仲搞咗個大型造勢音樂會,都有成千人出席。
雖然埋咗幾個月班,但啲人腳睇落同幾個月前冇大分別,唯一有少少驚喜係傳染病醫生勞永樂棄暗投明,投奔民主派陣營,成為社民連嘅創會成員。勞永樂話,擦鞋仔多你一個唔多、少你一個唔少,不如做啲實事去爭民主好過啦!
勞永樂入社民連都令人有小小意外,話晒佢連7.1都冇出嚟遊行,喺立法會時又唔見佢支持普選,23條立法時又話要睇醫生意見,近年又出席唔少民建聯活動,八方都估唔到佢竟然入埋啲「反動」組織。但點都好,有多一對手爭民主都係好事,所以毓民都讚佢「實迷途其未遠、覺今是而昨非」,唔知佢日後會唔會幫長毛抬棺材呢?