從化響邊？廣州嘅東北有個好綠嘅區，空氣好好。如果自己有中港牌，飛車上去，兩個半鐘左右到附近，當然係以唔塞車嚟計，同埋唔知揸到去邊就唔入得啦！

哈！我聽講話，起點用關口計，如果有機會，我都想去見識吓，不過暫時未有，我做住功課睇表演賽，順手記低啲值得跟進馬。

返嚟香港嘅功課，聽日（24日）第七場二班1600米草地，「與龍共舞」（馬主之一是原名王日祥的知名導演王晶）跑1600米其實無問題，績就當然無啟示，當時都未到狀態。

3月中試課濕慢地大閘，全程外疊追得輕鬆，即係話就算「天氣不似預期」，都會走得郁唔擔心。今次1檔出閘早啲走就唔太受個慢步速影響，呢匹大導演愛駒應該幾好分，先買一注例飛WP。

「繽紛遊戲」增程就有少少考驗，但係夠銳都有得爭，熱就熱啲啦。「志趣相投」梗係好馬，不過又真係未必讓得起其他馬十幾磅，只敢拖佢做腳。

-----------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI