當年今日
關於我們

國安搜蘋果︱一紙難求 食客到黃店拎報紙:你哋一日喺度 我都繼續買

蘋果日報 2021/06/21 13:42

國安法黃店

警方昨派出500人再次搜查蘋果大樓,並以涉嫌違反《國安法》拘捕2名管理層及3名新聞工作者,大量黃店向《蘋果》員工提供優惠以表支持,並搜購《蘋果》報章供顧客領取閱讀。有黃店食客表示,很多朋友說買不到今日《蘋果》,故到店裏「影畀佢哋睇」。也有黃店食客直言,擔心警方會再有針對《蘋果》行動,但認為《蘋果》總會有出路,甚至不以香港為基地,希望《蘋果》員工繼續努力,「只要你哋一日喺度,我都繼續買」。

市民斥警方無理搜報館 憂傳媒被收編

在非政府機構任職的陳先生,午膳時到灣仔新景園咖喱小廚買外賣,雖然自己亦未能搶購《蘋果日報》,但希望先將店舖免費派發的報紙先留給有需要的人。被問到日前警方的行動,他直指「仆街囉」,「好無理,搜報館呢個行為係極權政府嘅做法,而家係展示緊一個極權政府會做嘅嘢」。
陳指,自己近年較多讀《蘋果》,「特別係近期個頭版留白畀我哋寫返香港人想點,係我幾鍾意嘅方式」,認為香港大多傳媒都會面臨被收編的趨勢,「留返一份傳統嘅紙媒,嚟對抗極權係重要嘅,打到幾時,唔知,但盡力打啦大家」。
昨日在警方搜查行動中,有員工發現一本前《蘋果》總編輯鄭明仁的著作《淪陷時期香港報業與「漢奸」》,由一個不當眼位置被移到工作枱中間,質疑警方「想畀說話我聽」。陳笑指,該書本是描述報業在被日軍控制時如何打「擦邊球」,「我心諗,咩漢奸呀?成本書講緊另一樣㗎喎,唔讀書就唔好亂咁嚟啦差佬,即係蠢囉,咩都睇表面」。
empty
陳小姐擔心警方會再有針對《蘋果》行動,但認為《蘋果》總會有出路。本報記者攝

上班族信總有出路

上班族陳小姐亦到新景園取《蘋果》閱讀,「朝早7點落街睇都無晒!」她指對昨日警方行動感到無言、不可理喻,「唔知可以做啲咩,但大家心照,做到可以做嘅嘢再睇吓遲啲點」。她指,自己支持《蘋果》10年,「好鍾意你哋啲動畫新聞,一路到而家見到你哋嘅立場,都好支持」。
雖然她擔心警方會再有針對《蘋果》行動,但認為《蘋果》總會有出路,「我哋香港人無論喺香港入面或者出面都可以做啲嘢,even《蘋果日報》唔一定係base喺香港,台灣或者其他地方又好,能夠做到新聞嘅,只要有internet(網絡)大家都可以支持」,希望《蘋果》員工繼續努力,「只要你哋一日喺度,我都繼續買」。

忠實讀者:撐仲可發聲嘅媒體 唔覺得係偏激

五旬的關先生亦到新景園取《蘋果》閱讀,「我睇到好多friend(朋友)都話買唔到,落嚟影張相畀佢哋睇!」
關先生由《蘋果》創刊以來就成為忠實讀者,至今已近廿載。提到警方昨日的行動,他立即哽咽指「好離譜」,「係濫用咗個權力,唔可以咩都話係《國安法》,真係自由嘅報道就要有觀點,如果每樣嘢都觸犯到樣嘢嘅時候,就冇嘢可以再講」。
他認為《蘋果》立場與自己相近,「依家香港社會變得太快,我撐仲可以發聲嘅媒體,我唔覺得係偏激,我覺得係有中立性,意見有好多種,社會上唔可以只係得一種聲音」,寄語《蘋果》員工及港人加油。
empty
何先生指,雖然警方昨日的行動屬意料中事,但仍然感到生氣。本報記者攝

嘆無所適從:又話有啲報道係有問題,又唔講係咩

工程界何先生指,雖然警方昨日的行動屬意料中事,但仍然感到生氣,「如果你有證據咪攞出嚟囉,你又話有啲報道係有問題,你又唔講係咩報道,其實係無所適從,係無限擴大個《國安法》⋯⋯你冇理據咁拉人封舖係做緊啲咩?係一樣唔可以接受嘅事」。對於李家超的「罪犯論」,何笑言「我真係未見過犯罪現場可以咁快解封,上網啲人都話,(警方國安處高級警司)李桂華根本唔專業,似馬戲團,咪又證明咗真係」。
何笑指,自己最愛看《果籽》,能像港人在緊繃的時代放鬆一下。他認為《蘋果》有存在的必要,「當有一日,便利店所有報紙嘅封面都係維穩,起碼仲有《蘋果》講返香港人想睇嘅嘢」,指深明現時《蘋果》員工面對很大壓力,希望大家加油。

「點解淨係針對一份報紙?」

零售界林小姐亦到阿木台灣麵取報紙閱讀,她指認為警方昨日的行動,去年早已發生一次,明顯屬選擇性執法,「好差,點解淨係針對一份報紙?好似查冊之類都係針對某啲記者,大X報嗰啲就無事!」直斥取走電腦亦是希望《蘋果》停止運作。對於李家超指《蘋果》人屬「罪犯」,她指「公道自在人心」,「佢覺得係罪犯,但其實好多市民都撐,大家都心知咩事」。
林指,自己從小看《蘋果》,並以近日《蘋果》報道元朗巨型糞池為例,「好多報紙都唔敢報,但其實都係公眾利益嘅嘢,如果大家都唔報無人關注,件事就會不了了之,其實最終受害都係市民」。她希望《蘋果》撐住,「香港市民會睇你哋頭做人!」
-----------------------------
蘋果App大升級 更簡潔更就手!了解更多立即下載體驗