林嘉欣今日喺太古城出席自己同香港世界宣明會總幹事趙煥明一起合作嘅攝影展，佢哋去年到非洲探訪難民，用寶麗萊相片紀錄所見畫面，推出400本手工書，收益捐往宣明會。

林嘉欣指呢次探訪難民印像深刻，難民生活好艱辛，因人身安全被危害才要放下一切逃走：「有個媽媽育有4個小朋友，逃亡時認到4個鄰居小孩同家人失散，嗰個媽媽決定助養佢哋。我問佢有冇問過天點解會咁，佢冇怨言只有接受，我好感動，見到亂世有真情。」

另外，已助養兒童10多年嘅嘉欣，分別助養蒙古及印度兩個小孩，希望等細女7歲時帶同一起探訪助養兒童：「平時阿女有同佢哋書信來往，如果見面會更親切。」

精選娛聞，喺晒《娛果》
http://fb.com/appledailyent