日本富士電視台嘅「月九」檔重頭劇《戀仲》今晚首播，男、女主角福士蒼汰同本田翼今日開始落力谷劇，佢哋由大清早開始亮相多個直播節目，由師奶節目到新聞節目都見福士蒼汰現身，被封為新一代男神嘅佢，仲喺第一集有除衫露點鏡頭。

至於同劇男配角野村周平，呢幾日都有勤力寫開po更新Twitter，唔只上載一眾劇中青春偶像嘅大合照，又有佢自己嘅開工照，周平瞓上吊床擺甫拍照，仲露埋格肋底毛谷劇。

到今日，周平仲公開拍攝時喺現場嘅花絮照，夜媽媽坐喺馬路邊剪髮，真係一個難忘經驗。