大摩馬房旗下的「綽力之城」三月尾贏杜拜金莎軒錦標，揚威海外，點知上場轉戰新加坡，出戰國際一級賽KrisFlyer國際短途錦標，卻大熱倒灶只跑第五，無功而還，同時正因為KrisFlyer國際短途錦標畀「天久」贏咗，「綽力之城」極可能喪失今屆最佳短途馬的榮耀，而落入「天久」手上。
雖然「綽力之城」的富二代馬主凌基偉敗走新加坡，但他周日(6月1日)沙田賽事又有拉頭馬機會，事關凌基偉是第五場「北非諜影」馬主美景團體成員，此駒連仗就算不贏亦跑近，練馬師蘇保羅話「北非諜影」近況大勇，評分仍有多少上升空間，今次對手不強，有機會為凌基偉贏馬補數。