泰利俄國搵食未成事 竟然係唔捨得老婆仔女?
俄羅斯泰利莫斯科斯巴達
泰利因為唔捨得老婆同仔女,轉會俄超莫斯科斯巴達未成事。
上周英國傳媒爆出,前車路士中堅泰利喺羅馬體測,並會即將轉投俄超球會莫斯科斯巴達,將簽約一年穩袋180萬英鎊人工。不過今日英國有傳媒又報道,泰利去俄羅斯搵食其實仲未成事,因為佢唔捨得老婆仔女喎。
據《太陽報》今日報道,指泰利雖然已經通過咗體檢,但呢位前英格蘭隊長就唔多捨得太太,仲有兩個仔女,唔想同佢地分隔英俄兩地。不過,鑑於英俄近年緊張關係,同埋人生路不熟,要全家人搬去莫斯科定居似乎又好麻煩,所以暫時未知轉會會唔會成事。呢位37歲中堅過去精彩嘅私生活相信都唔使再重提,家下難得咁顧家擔心老婆仔女,係抵讚嘅。
--------------------
荷蘭橙衫軍大舉進駐BFB CHAMPIONS 2.0!荷蘭球星機率 7 倍UP!立即下載 http://bit.ly/2xrTKGM
--------------------
《體蘋果》陪你睇波講波
https://www.fb.com/appledailysports