周五舉行嘅美國網球公開賽，現年36歲嘅「瑞士公主」希姬絲先夥拍中華台北好手詹詠然出戰女雙四強，呢對二號種籽打咗87分鐘，就以直落兩盤6:4擊敗四號種籽嘅彭帥/美莎組合，晉級決賽會對捷克七號種籽夏迪卡/仙妮雅高娃。

希姬絲稍作休戰後，就夥拍英國球手謝美梅禮出戰混雙四強，呢對喺溫布頓贏得冠軍嘅頭號種籽，激戰90分鐘下以直落兩盤6:4、7:6（10:8）勇挫雲達維姬/迪古，殺入決賽會對三號種籽詹皓晴/雲路斯。