除了教師屬高危類別,其他「師」的「指標」如何?我八卦諗,理髮師應該屬於低風險,煩惱絲盡去,清爽照人,心情甚靚。醫師相反,能醫不自醫,最好盡快讓朋友照照肺,scan一下心事,病向淺中醫。律師前景大好,A45關注組歡迎你加入,事無巨細,監督政府,邊度得閒死。國師處境甚尷尬,曾特首是番書仔,唔會畀面這種老八股,再唔執生轉型,肯定屈住肚氣,日日搵樓跳。大法師就唔同,打着傘去迪士尼,排個把小時隊,玩完那個飛越太空山,即時悟道,悲欣交集。論過癮,大法師還是輸給魔法師,魔法師一變,五號報告書就由一水護田變成一褲都係。
噢,你問魔法師是誰?是不是等同巫師?係唔係影射陳四萬是巫婆……唔,選特區最高調的師級人馬,要數近日落重手(催淚氣加布袋彈)煮韓國農民菜、渾身殺氣的「阿一」廚師!