【日本奧斯卡】宮澤理惠三度封后 《真‧哥斯拉》奪7獎成大贏家
宮崎葵哥斯拉佐藤浩市日本奧斯卡
有「日本奧斯卡」之稱嘅第40屆日本Academy電影大獎今晚喺東京舉行,由上屆影后安藤櫻及頒獎禮委員會副會長西田敏行擔任司儀。
由名導李相日執導嘅電影《怒》獲得最多嘅12項提名,包括最佳女主角(宮崎葵)、最佳男配角(妻夫木聰、森山未來)同最佳女配角(廣瀨鈴)等,最後由挑戰同志角色嘅妻夫木聰大熱封最佳男配角,得獎一刻佢擁抱片同男友綾野剛。
最佳電影係庵野秀明、樋口真嗣合力執導嘅、《真‧哥斯拉》奪得,電影更贏埋最佳導演、最佳美術等共七獎成為大贏家。
演技派男星佐藤浩市靠《64-前編》贏得最佳男主角,《幸福澡堂》嘅宮澤理惠打敗宮崎葵、廣瀨鈴、黑木華、大竹忍封最佳女主角,今次已係理惠第三度封后,其實拍檔杉咲花再添最佳女配角。
新海誠執導賣座作《你的名字。》失最佳動畫,不敵本月底在港上映嘅片渕須直作品《謝謝你,在世界角落中找到我》,而新海誠就憑《你的名字。》獲頒劇本獎及話題電影獎,而樂隊RADWIMPS就為同片贏得音樂獎,是史上首次有動畫奪該獎。