【為求逼真可以幾盡...】染灰髮援交少女 陳俞希拍吊頸戲差點窒息
黃又南窒息頭暈吊頸戲陳俞希已讀不回援交少女
Hailey喺ViuTV劇《已讀不回》扮援交少女。
黃又南、廖啟智、羅家英同陳俞希(Hailey)合演嘅ViuTV同新加坡MediaCorp聯合製作嘅電視劇《已讀不回》,將於9月24號喺ViuTV首播。Hailey喺劇中扮一名援交少女,佢為配合角色,不但剪短咗啲頭髮,仲特別染灰咗顏色,着晒漁網裝演繹呢個「壞女孩」角色。
Hailey喺戲中同又南有感情戲,佢因為做援交少女,劇情交待佢膽粗粗交托咗江湖大佬幫佢做嘢,但又走數唔畀錢,所以被江湖中人追逐,佢要左避右避。Hailey被江湖大佬追趕,更被叉頸,其中佢又有一場戲被吊頸,佢話都好難忘。Hailey今日接受《蘋果》訪問時話:「為求逼真,我堅持要用條帶箍住自己嘅頸,想有嗰種真實感,但係冇諗過原來時間好短,已經有缺氧嘅感覺,所以叫cut後,真係有少少見頭暈。」
精選娛聞,喺晒《娛果》
http://fb.com/appledailyent