最近陳淑蘭(蘭子)喺ViuTV主持《晚吹-總有一隻係左近》引起唔少話題，咁成功蘭子都要買吓嘢獎勵自己，噚日晏晝5點幾，蘭子就喺銅鑼灣利苑現身，佢右手挽住手袋，左手孭住一大袋Chanel，佢去咗counter簽單，之後佢去咗門口等車時，身為明智嘅消費者佢，仲好認真咁doublecheck啲單，之後就擺埋入手袋，繼續等車。

佢一時撳電話、一時又鼓起泡腮，等咗5分鐘左右，司機就揸住架Jaguar嚟到，蘭子就即刻衝上車，仲同司機有講有笑添！