車路士領隊干地同上季奪標功臣之一，中鋒迪亞高哥斯達（DC）突然鬧翻，後者似乎勢必走人。一般估計車仔會向愛華頓斟介前鋒盧卡古，成為代替DC嘅人選，不過英國傳媒喺周三放風，指車路士點會只得一個目標，佢哋希望簽到拜仁慕尼黑嘅波蘭中鋒羅拔利雲度夫斯基。

28歲嘅利雲度夫斯基上季表現非常出色，各項賽事一共入43球，不過當中喺德甲入30球都係做唔到神射手。據報羅拔仔對主帥安察洛堤有少少意見，認為得唔到後者全力支持，喺德甲打滾多年亦希望離開闖下，對車路士嚟講亦係非常適合嘅收購對象。