繼續《政客思維》篇(下):

《政客思維4》
捷克總統同智利總統開會，邊個有睇過呢條片，佢望到檯上支筆話好嘢嚟喎，跟住佢就將支筆拎落檯底，心諗冇人睇到嘅，為咗安全啲，佢就右手交左手，呢啲咪叫毁屍滅跡，再望右打左袋，跟住雙手擺上檯，然後再閂番筆盒，唔好話我攪，我真係冇攪，再集中精神睇智利總統講嘢，只有一個表情，你睇我唔到，你睇我唔到，佢唔係趕收工，佢直情係收咗工，兩個總統開會會冇人睇到你，你喺度偷筆，冇錯，好多記者喺度，所有人白痴，邊個講就望邊個，冇人留意我，隔離條友講耐啲，唔好話支筆，我連張檯都攞埋都仲得。

《政客思維5》
你以為呢啲情況好罕有，今年香港就有何俊仁，立法會財政司發表財政預算案，佢喺iPad睇泳衣美女，呢啲咪叫財色兼收，我肯定你個腦會叫你收工，唔好呀阿仁，返屋企先呀阿仁，屋企大把。
阿仁你只需要諗一步，若果被鼠王芬同元秋發現你做緊呢啲嘢，會有乜嘢後果。

佢哋根本唔會睇我，我都唔會睇佢哋，大家只會睇住曾俊華撇鬚，唔知係睇好未，好迷幻，睇到你好眼瞓，一定要搵嘢提神，一句講晒如果立法會有嘢睇，我一定唔會睇iPad，各位唔好攪錯，我唔係取笑佢哋，no...佢哋兩個係政治人，一個係總統，一個係選特首，做唔做到係一件事，最要去計時佢哋唔去計，係最需要計場合，佢哋面對自己真正需要，活在當下。


《政客思維6》
各位想知道幾時可以世界和平，當每個領就都可以活在當下，我哋可以世界和平，當每個要打交嘅國家，兩個元首喺度談判，一個跟另一個講，一間我發言你好拎支筆，你發言我就拎部iPad，同意，好兄弟，世界一家活在當下。