【賢歸正傳】主要對手清一色外檔!「皇者」就係佢囉(廖浩賢)
外檔主要對手廖浩賢錶之皇者賢歸正傳「錶」系
沙田馬場周日(15日)第七場三班泥地1200米「錶之銳」,上仗排12檔起步,全程四叠望空,轉彎無限蝕位下自動波拖住上,最終以晨操姿態彈甩贏四個馬位,好耐冇見跑泥地短途賽事,後上馬如此一步未騎過之下大勝而回。
從事後角度睇,馬會評磅員只加其11分,未免太過便宜佢!
講起「錶」系陣營,周日除「錶之銳」係實食冇黐牙牌面馬之外,還有三匹同系馬上陣。
第六場「錶之精靈」暫時仍未夠火喉,第九場「錶之智能」被評74分起步的自購馬,在港三課試閘都表現尚可,初出跑C加3欄排12檔,除非有20分在手,否則都好難一出即勝。
反而第十場三班1600米「錶之皇者」就頗有憧憬理據。此駒今季由文家良接手,承接上手馬房餘威,復出即省靚招牌再下一城,當日在四班賽用雷神,或者可以話班次評分有利。
升上第三班後跑過兩仗,前仗配巴度好明顯唔熟馬性,留得太後輸三個馬位。
上仗換黎海榮,轉彎已經四叠踩油發力,於最後200米出頭,跑錯每一步仍捱到尾跑第三,特別要留意該場頭馬係升上第二班幾乎再贏的「友誼至好」,賽事水準非常之高。
講番今戰同場對手,由於今次跑C加3欄,故預計熱門馬「包裝才子」、「精神威」、「超班福星」,甚至乎由雷神騎的「魅影蹄飛」清一色排外檔。
相比之下,「錶之皇者」換何澤堯抽2檔起步,無論形勢抑或戰略運用上,都應該比同場任何對手更勝一籌。
-------------------------------
參加《玄機解馬》節目,可免費畀美女堪輿學家唐碧霞睇八字、睇相指點迷津,快啲入嚟報名。
點擊即可免費睇相 -------------------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度 -----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇