隔牆有耳：
首次訪港做足功課
蘇格蘭鐵娘子 聞愛丁堡廣場興奮 - 李八方
蘋果日報 2015/08/01 00:00
曾被英國《每日郵報》稱為「英國最危險的女人」，帶領蘇格蘭民族黨（SNP）橫掃今年5月英國大選，取得西敏寺下議院蘇格蘭59席次中56席的「蘇格蘭鐵娘子」、蘇格蘭首席大臣斯特金（Nicola Sturgeon），噚日首度來港，仲同香港民主女神余若薇，以及近排因港大委任副校長風波，成為焦點人物的港大校長馬斐森，同場出席以「Women In Leadership」為題的研討會，英國駐港總領事吳若蘭（Caroline Wilson）亦畀面到場旁聽。
話公投好和平同民主
斯特金今次嚟香港前，已去咗上海訪問，噚日係佢首次訪港，話今次嚟到香港好開心，第一個留意到嘅路牌，就係個名同蘇格蘭首府愛丁堡同名的「Edinburgh Place（愛丁堡廣場）」，之後佢又講到蘇格蘭漢學家理雅各（James Legge）係第一個繙譯孔子名著嘅外國人，似乎來港前已做足功課。
斯特金噚日接受BBC同《南華早報》訪問，被問到香港應否舉辦同蘇格蘭一樣的公投，佢就話要由香港人決定，不應由其他國家去睇，若然政治參與過程最重要係和平同合法，同時要保證市民集會同表達自由受保障。佢又話覺得蘇格蘭成功公投經驗，令全世界不同地方都可以睇到，公投係一個好和平同民主的方法，去處理一啲社會有強烈不同意見的問題喎。八方唔知佢噚日見到署理特首林鄭月娥時，又有冇向林鄭傳授兩招呢？
斯特金噚日接受BBC同《南華早報》訪問，被問到香港應否舉辦同蘇格蘭一樣的公投，佢就話要由香港人決定，不應由其他國家去睇，若然政治參與過程最重要係和平同合法，同時要保證市民集會同表達自由受保障。佢又話覺得蘇格蘭成功公投經驗，令全世界不同地方都可以睇到，公投係一個好和平同民主的方法，去處理一啲社會有強烈不同意見的問題喎。八方唔知佢噚日見到署理特首林鄭月娥時，又有冇向林鄭傳授兩招呢？
左起：蘇格蘭首席大臣斯特金、馬斐森同埋余若薇噚日出席研討會，講咗好多婦權問題。鍾偉德攝