出爐《最港電影大獎》最港男演員劉德華今日親自到領獎，一直以來華仔為香港電影貢獻不少，更斥資開拍電影，鼓勵創意工業，05年開始更曾投資舉辦「亞洲新星導」，資助多名亞洲新晉導演實現電影夢，出心出力。

至於嚟緊會否繼續投資開戲？華仔話：「今年我哋見到好多唔同類型嘅電影，呢啲都要靠發行公司去做，去聯繫，做多啲港味濃嘅電影。」又笑言：「投資電影就好似一個習慣咁，總之有人嚟到我公司，傾得七七八八就去做。不過呢個真係令公司收入有壓力，不過我喺演員嗰度會賺番返嚟。」

至於做導演，華仔表示都會考慮，「但之前亞洲新星導選完之後，好似杜Sir（杜琪峯）鮮浪潮咁都有舉起佢哋支旗，不過多啲地方俾新導演去發揮係好事。呢個會係持續去做。除咗導演之外，編劇我都喺度幫手。」

場地：香港東隅