藝人曾志偉喺香港已有一段時間冇養馬，不過今個馬季佢就引入兩駒，包括團體馬「扎西德勒」，以及與老表馬時亨夾分養嘅C233。

丁冠豪馬房的「扎西德勒」今日（9日）將首度在港出賽，跑第十場三班1400米，呢個馬名就非常特別，馬主「有趣愉快團體」經理人何麗全係亞洲電視數碼行政總裁，佢就話呢個馬名係曾志偉改，以藏語解讀意思係如意吉祥的意思，今日佢同曾志偉都會入場為愛駒打氣！

講番「扎西德勒」，在澳洲由華禮納訓練，曾出賽13次，獲3冠1亞2季，勝出1400至2130米。來港後開操只得三個月，練馬師丁冠豪就話本應都想試多一課大閘先出賽，不過馬主想喺大賽日上陣，兼且之前馬匹試閘走勢亦唔算差，所以決定選擇今日出賽，而呢期丁仔獨出此馬上陣，可謂戰意十足。