「我好驚信託人嗱嗱臨，賤賣抵押品資產，星展銀行嘅職員同我講，喺9月24日會通知我揸嘅迷你債券，可以攞番幾多錢，10月底前會入數畀番我。」
昨日與民主黨會面的苦主Winnie（化名）說，約一年前與弟弟打算將父親的51萬元退休金作定期存款，但職員推介與8家大型企業信貸狀況包括與雷曼掛鈎的「50億美元有限追索權有抵押票據計劃」。

未敢告知父親真相

「佢當時話其中一間破產只係損失八分之一，息率更好，風險又低。我原本都以為係好低風險嘅投資產品，後期先發現只要其中一間破產，投資就可能一無所有。我噚日朝早專登落分行、仲特登帶備錄音筆再問，職員都仲係話最多損失八分一，我懷疑佢根本唔知呢個產品嘅投資風險。」
她紅着眼忍着淚水指出，該筆退休金打算幾年也不會動用，現時隨時化為烏有，故仍未告知父親，因為索償若未落實，怕老人家過份擔憂。
苦主召集人葉先生指出，雖然本身沒有投資與雷曼相關的債券工具，但其親友投資過六位數字，逾十萬元，本來看似隱陣收息的投資，隨時化為烏有，故誓要討回公道。