周慧敏（Vivian）今日喺尖沙嘴出席餐廳開幕活動，原來前日（10號）係Vivian嘅46歲生日，佢表示同老公倪震二人世界度過： 「9號之前已經慶祝咗4次生日，覺得好攰，所以正日想同先生二人世界輕鬆度過，唔為慶祝而慶祝，已經係最好生日禮物，如果要切五次蛋糕都好攰，我只想同朋友講，節日記起我傳個訊息畀我，已經係最好禮物。」

現場所見，Vivian雖已年屆46歲，但保養得宜，一啲都唔似呢個年紀，果然厲害﹗

Vivian表示與老公有協議，不會為節日勉強送禮：「我地識咗24年，有乜形式慶祝未做過、禮物未收過？唔想為送而送，除非搵到樣適合對方物件。」Vivian表示今年生日願望，希望所有認識的朋友都開心，世界平安，希望菲律賓受風災嘅災民平安度過。