當年今日
關於我們

150星探鬧市選角
4500少女明星夢爆發

蘋果日報 2005/01/23 00:00


星皓電影公司昨日為六大影帝拱照一名女新人的電影《阿嫂》搞噱頭,在旺角、銅鑼灣和尖沙嘴三個地區舉行招募女主角活動。電影公司請來一百五十名少女星探負責發掘新人,每人各負責發掘三十名有潛質的少女,一天之內便製造了四千五百個明星夢。
星皓電影公司將於三月開拍電影《阿嫂》,該片屬意由六大影帝梁家輝、劉燁、任達華、黃秋生、秦漢和曾志偉參演,但片中第一女主角「阿嫂」一角尚未找到合適的人選。昨日電影公司派出一個少女星探團,分別在旺角、銅鑼灣及尖沙嘴發掘「女主角」,這一群為數一百五十人的青少年星探,穿上紅色制服,每人需發掘三十名新人才算完成工作,估計一天之內星皓便可找出四千五百名新人,再從中找出最合適的人選。

妙齡少女
要求樣子甜美眼大大
該片監製鄭丹瑞(阿旦)與導演黃精甫昨日齊齊現身旺角百老匯戲院,阿旦說:「今次為《阿嫂》呢部戲搵女主角,做法係參考日本原宿街頭星探嘅做法,日本嘅星探着晒整齊制服,喺原宿街頭擺晒攤檔搵新人,我覺得幾好,所以返嚟香港就用番呢個方法去搵新人。
「我哋今日喺旺角出發去搵,百五人兵分三路,分別喺旺角、銅鑼灣同尖沙嘴啲街道搵女仔,主要針對十六至二十歲、身高五呎四吋左右同能講流利廣東話嘅少女,個樣要甜美可愛同眼大,之前我喺Model公司見過唔少新人,可惜始終搵唔到一個合適嘅。」
星探落力
發掘新人當選有獎金
而在今次招募行動中,發掘最終被選中新人的星探,將可獲得一萬元獎金,阿旦說:「如果個星探發掘嘅女仔做唔成女主角,但畀星皓簽咗,咁個星探都可以得到一千蚊獎金。」而昨日每位星探的日薪為三百元。
昨日所見,三區中以旺角的少女質素較理想,其中一位堪稱旺角之花的陳小姐,除樣子甜美外,在鏡頭前亦表現得落落大方,原來她之前曾為電影《大無謂》試鏡,現年十五歲就讀中三的陳小姐說:「我覺得自己都識做戲,因為我曾經參加話劇演出,之前曾為《大無謂》套戲試鏡,但最終搵咗其他人演出。」

漁翁撒網
標致女冷漠拒留電話
而現年二十二歲的Emily雖已超齡,但星探一樣邀請她登記資料,她接受訪問時說:「雖然佢哋只係想搵十六至二十歲嘅女仔,我算超齡,但如果佢哋搵我去試鏡,我一樣會有興趣去。」
其實三路星探昨日在鬧市中均似漁翁撒網,任何一位有興趣入娛樂圈的女孩子都可以登記。不過記者發現樣子較標致的女孩態度都比較冷漠,一般都不願留下聯絡電話給星探。另外,有一位就讀中二的十四歲女孩竟然連梁家輝是誰也不知道,對黃秋生的印象也很模糊。
此外,由於片中女主角十分年輕,故在銅鑼灣搜尋女主角的星探大都找來求學中的少女登記,但質素非常參差。至於尖沙嘴區所發掘的新人質素亦一般,一位十六歲的女孩子說:「我都未知係乜嘢事,不過留低電話畀佢哋冇乜所謂。」
採訪:陳月萍、胡比
empty
旺角--圓面周麗淇
十五歲的陳小姐自信十足。
empty
旺角--快餐姊妹花
十六歲的Joey(右)與李小姐被星探看中,二人均感愕然。
empty
旺角--驚豔黑娃娃
十二歲就讀中一的郭小姐表示若被選中,願意試鏡。
empty
銅鑼灣--純情學生妹
笑容甜美的范小姐現年十六歲,仍在求學。
empty
銅鑼灣--單眼皮雙妹嘜
陳小姐(右二)表示對加入娛樂圈十分感興趣。
empty
銅鑼灣--斑馬小甜甜
十七歲的胡小姐表示若能入圍,亦有興趣往試鏡。
empty
尖沙嘴--脆皮朱古力
十六歲的阿Ling雖然樣子較平庸,但星探仍請她登記資料。
empty
百多名穿上紅色制服的星探浩浩蕩蕩出發尋找獵物。
empty
監製鄭丹瑞(前排右)和導演黃精甫(前排左)昨日與一眾少女星探齊齊合照。
empty
鄭丹瑞表示成功發掘當選女主角的星探,將獲得萬元獎金。
empty
六大影帝將與被選中的少女同場做戲,電影《阿嫂》三月正式開鏡。 資料圖片
梁家輝
empty
六大影帝將與被選中的少女同場做戲,電影《阿嫂》三月正式開鏡。 資料圖片
劉燁
empty
六大影帝將與被選中的少女同場做戲,電影《阿嫂》三月正式開鏡。 資料圖片
曾志偉
empty
六大影帝將與被選中的少女同場做戲,電影《阿嫂》三月正式開鏡。 資料圖片
任達華
empty
六大影帝將與被選中的少女同場做戲,電影《阿嫂》三月正式開鏡。 資料圖片
秦漢
empty
六大影帝將與被選中的少女同場做戲,電影《阿嫂》三月正式開鏡。 資料圖片
黃秋生