英超冠軍車路士領隊干地，同西班牙前鋒迪亞高哥斯達（DC）原本關係破裂，DC宜家係留喺巴西獨自練波，遲遲唔肯歸隊，仲話寧願唔收人工，等今季約滿自由身離隊添。不過英國傳媒報導，車仔竟然讓步，如果DC達到4個條件，就會繼續履行合約，甚至派佢出場。

據《每日鏡報》報導，車仔先要求DC重返球會，跟隨大軍練習，以及回復運動員狀態，而且要求DC做好出賽準備，如果DC達成呢4個條件，車仔會繼續支付佢15萬鎊周薪（約153萬港元）合約，如果進展理想，更唔排除派佢出場添。