陳美詩今日喺商台接受訪問，節目中分享兩公婆嘅情趣，佢哋會講爛gag同IQ題增進感情，有時就幫老公按摩兼煲下湯。呢排佢同老公孫耀威搞緊婚紗設計，佢哋會研究女仔胸部，出街會睇啲人著衫，然後諗啲婚紗同禮服應該要點做，老公攞正牌睇女仔：「係，一齊睇，佢一個時唔知有冇喎。有時女仔嘅裙，為咗靚內衣都未必著到，平時佢最緊要確保我冇走光，之後先睇靚唔靚。」