有南非刺客之稱的杜美爾表現漸入佳境，練馬師葉楚航都首次搵佢幫手，周日（23日）第五場四班1200米「漸信龍駒」後備補上，就交由杜美爾上陣。

今朝（21日）七點左右，杜美爾親自策騎此駒在大圈跑道操練，返回飛機坪落馬前，更忍唔住拍馬頸，喜愛之情洋溢。

落馬之後，杜美爾立即前往烽火台向練馬師匯報馬匹操練表現，兩人傾咗差唔不多五分鐘。

「漸信龍駒」上一場跑四班田草1200米在潘頓胯下大敗而回，今仗杜美爾接手再跑同程，且看能否做返一場好戲。

-----------------------------
你撐蘋果 我捐$1
支援反送中抗爭者