煲呔委任嘅經濟機遇委員會,未幫香港搵到任何機遇之前,部份成員所屬嘅滙豐、利豐以及中原等機構,近期已相繼炒咗唔少人,激親好多人。職工盟李卓人噚日喺立法會上大表不滿,話有關委員打爛人哋個飯碗,簡直係裁員委員會,衰過當初以為只係吹水委員會,又彈呢啲僱主成員咁做,係對香港冇信心嘅表現,唔使旨意佢哋提出有乜機遇?社民連黃毓民直指委員有鋪炒人癮,冇法子信得過。
負責答辯嘅財爺鬍鬚曾竟然幫委員護航,話相信啲公司都係因應實際情況調配人手啫,佢哋縮減人手都係無可奈何嘅選擇,仲力撐等到經濟好轉,就會再增聘人手。八方聽落有啲奇怪,鬍鬚曾點解忽然變成商界代言人?