當年今日
關於我們

精明消費:搵儲物盒幫手
存放剩餘賀年食品

蘋果日報 2005/02/15 00:00


新春期間,屋企必定整咗好多賀年食物,兼且又會收到一大堆參茸海味的賀年禮盒。新年過後,需要用適當的器皿將食物好好保存,以增加食物的保質期和保持新鮮度。一啲針對唔同食物的儲存盒就最啱使,適合保存海味乾貨嘅密實瓶和經濟又耐用的食物盒都不可缺少。

記者:梁彩燕 攝影:陳陶鈞、楊錦文、林栢鈞、陳盛臣
Model:Katie(d8)
防潮密實瓶放海味乾貨
新年過後,好多屋企都忽然會多了很多海味乾貨,如冬菇、蠔豉、乾瑤柱等。呢類食品最怕就係因潮濕而引致發霉,唔想昂貴的乾貨報銷,應該準備一些可以密封及防漏氣的儲物瓶,發揮防潮保質的作用。
冬菇有好歸宿
相對其他海味,冬菇算是較易儲存,但冬菇始終都係菌類,一旦潮濕或入水,就好容易發霉。這款密實瓶,瓶蓋較厚身,保險式的開關設計,可確保盒內乾爽。
售價:$38.9(d)
empty
抗菌保衞生
350cc容量的樹脂質料保存容器,耐酸性能力高,就算放入酸性食品都唔會破損器皿本質,方便用來存放甘桔或柚子等食物。可抵受約40℃高溫,加入抗菌劑的瓶身,可防止細菌滋生,確保衞生。
售價:$45(c)
empty
公仔塑膠密氣瓶
一般食物儲存盒,多數以玻璃或塑膠製造,兼且個個都冇乜花款可言。呢個塑膠瓶,樽身貼有趣致圖案,一套有3個唔同Size,大至可以放冬菇花膠,小至可以放瑤柱螺片,一套美觀實用。
售價:$49.9(f)
empty
內外兼備
長形易放人參
一些長形的食品如人參、花膠等海味,要將之存放都幾頭痛,所以一個專用嚟存放長身食物的高身密氣瓶就啱晒。呢個高身瓶直徑10cm高30cm,全個以樹脂製成,質料堅固耐用。
售價:$68(g)
empty
透明瓶身一目了然
鮑魚、海參、螺片等海味,體積不算大數量卻多,Rubbermaid呢個1.9L的方形儲物瓶,有特別闊身同易握的瓶蓋,方便用家拿取食物。密氣瓶身又薄又輕,透明設計擺放甚麼食物都一目了然。
售價:$30(g)
empty
法國製真空瓶
以薄身同輕身玻璃製成的真空瓶,法國製造,全透明瓶身,放乜嘢食物都一目了然。瓶面備有色彩花朵圖案,減低瓶身的單調感覺,蓋邊以塑膠圍邊,大大提高密封程度。
售價:$48(e)
empty
紅A密氣瓶
由細到大,紅A牌塑膠製品都陪住大家成長,皆因買一個已經可以用好多年。呢款容量達3.5公升的密氣瓶,以一貫的紅色造型示人,儲放乾貨如參茸、鮑魚都適用。
售價:$79.9(f)
empty
設特闊瓶口
5吋方形密氣瓶,瓶內以塑膠封條封口,安全瓶蓋則以不銹鋼環扣緊,大大提高密封程度和防水功能。設有特大瓶口,而且質料堅固,唔容易撞崩碰爛,非常耐用。
售價:$52.9(a)
empty
食物專用盒
儲存賀年食品
過年後,屋企剩餘好多應節食物,如蘿蔔糕、馬蹄糕、年糕等糕點,可以購買適當的容器將之好好收藏。呢個時候,針對唔同食物而設計的儲存盒就大派用場喇!
整鹹甘桔至啱
成盆賀年桔棄之可惜,可將桔子摘下製成鹹甘桔。這個容量達2.4L的真空瓶,具抗菌功能,就算放入酸性食物都唔會損害瓶身和食物。樽內更有說明書,教你點樣浸草莓酒和蘋果酒!
售價:$59.9(a)
empty
容易清洗油污
蘿蔔糕、馬蹄糕等賀年糕點特別油膩,呢款一套2個的800毫升儲物盒,特點在於膠盒以特製的物料製造,特別容易洗去油污,用來盛載油膩食品啱晒。
售價:$20(b)
empty
活動格放鮮肉
過年後屋企食剩很多鮮肉?單靠保鮮紙未能有效保持肉質鮮味,呢個專放肉片的食物盒,方便你將肉類切片後放入,內有兩個活動間隔,可存放約400克肉,也可進行解凍同加熱。
售價:$43(b)
empty
專放中西點心
呢個專放點心的食物盒,底部附有疏孔隔板,可防止點心或包子黐底,圓拱形設計亦可令空氣流動得更均勻。
售價:$30(b)
empty
雙層設計可隔水
專用來放菜類食物的儲存盒,採用雙層設計,內層通窿可隔水,而盒蓋可選擇以全密封形式、半蓋保鮮形式或打開加熱形式使用。
售價:$38(b)
empty
豆腐專用
要儲存豆腐實在頭痛,用保鮮袋或保鮮紙即使保存到原味,又會變形,放得耐重會出水!呢個豆腐盒,內有可以摺起的活動疏孔間隔,方便你切豆腐和隔開水份。
售價:$42(b)
empty
煮意粉有埋份量
這個1.2L的意粉盒,蓋面一方有疏孔位,方便直接倒去多餘的水份。另一邊的圓孔,可放入同直徑相同的意粉份量,份量等於一人約100g的意粉,盒身重有埋水量刻度教你調校水量叮熟意粉,快捷方便。
售價:$45(c)
empty
形狀獨特受熱均勻
用微波爐翻熱食物,有時會怕食物中心受唔到熱重係凍冰冰。呢款容量達250ml的食物盒,中間形狀凹陷,讓食物能均勻受熱。
售價:$22(b)
empty
放火腿唔黐底
火腿或午餐肉等醃製食品,若唔妥善存放,好快會風乾。呢個以原料樹脂製成的儲存盒,容量約260ml,底部附有層板防黏底,考慮周全。
售價:$30(b)
empty
專切牛油
呢個約有200克的儲存牛油專用盒,4邊設有坑紋,只要將牛油放置中央,用刀切出的牛油薄片就可以塊塊都咁均勻。
售價:$59(c)
empty
高密封專放蛋糕
這個闊33cm的Lock&Lock儲物盒,內裏備有蛋糕底盤,用來放置蛋糕就最好不過。盒頂備有膠手柄,可將儲存盒作野餐盒使用。此外,盒蓋備有日期顯示器,食物放了幾耐都一清二楚。
售價:$128(g)
empty
蓋面按鈕方便入爐
Tupperware推出的食物盒出名耐用,呢款容量為750ml的儲存盒,可放入微波爐直接加熱,只要打開蓋面的圓形按鈕,便可放入微波爐,唔使打開成個蓋咁麻煩,翻熱蘿蔔糕、年糕至啱。
售價:$88(e)
empty
經濟食物盒
裝零食至化算
屋企買咗大量糖果餅乾招呼客人,親朋好友拜年又送朱古力、曲奇,搞到成屋都係食物。想有系統地將食物收藏,使用經濟實惠的食物盒就最化算,無論薯片、曲奇、朱古力糖果等,都可以好好收藏。
磨砂黃色打破平淡
若嫌個個食物盒都係透明,覺得太平淡單調,呢個以磨砂設計的黃色儲物瓶,580ml容量,韓國製造,顏色夠特別,另有磨砂白色選擇。
售價:$10(h)
empty
經濟膠瓶
若諗住用嚟裝通粉、米粉或麵粉等食物,一個普通功能的儲存盒已足夠。呢個膠製密實瓶,質料耐磨又唔易打爛,以膠質瓶蓋配900ml容量的透明瓶身,一望就知食品種類和份量。
售價:$10(h)
empty
適合存放餅乾曲奇
餅乾曲奇等食物接觸空氣即使係幾個鐘,都好容易吸到濕氣變腍唔脆口。呢個2.6L的Lock&Lock餅乾專用儲存盒,四邊都有環扣設計,確保密實,100%完全高密封性,絕對唔會漏氣。
售價:$27.5(a)
empty
載果仁乾果
屋企積存了果仁、合桃、開心果?呢類食物同樣唔可以馬虎儲存,可選用Rubbermaid呢個1.5L容量的食物盒存放。磨砂表面可隱約看到存放食物種類,就算叠起嚟儲存都可方便搵到。
售價:$23(g)
empty
淺盒易存薯片蝦條
2.6L的Lock&Lock食物盒,以長方形設計,4邊均有環扣,確保盒蓋穩固。淺平的盒身同寬闊盒蓋,方便提取食物如薯片蝦條等零食,密封設計令食物唔易變質。
售價:$35.8(d)
empty
韓製兼有密封專利
百分百南韓製造的TOUCHVAC真空食物盒,巴閉在有埋密封專利權,食物保質程度有晒信心保證。蓋面備有真空指示器同日期調校按鈕,即使無記性的人都唔怕忘記食物保質期。
售價:$56(g)
empty
特設防漏設計
Rubbermaid微波爐保鮮盒,一套4個,每個容量為887ml。保鮮盒用上輕身質料,盒蓋採用防漏設計,配合盒內的間隔,有效保存食物。
售價:$24.9(a)
empty
售賣點
(a)吉之島 28846888 鰂魚涌康山道2號康怡廣場南三樓
(b)尖沙嘴city'super 23758222 尖沙嘴海港城3樓3001店
(c)銅鑼灣city'super 25062888 銅鑼灣時代廣場B1地庫
(d)各惠康超級市場 *價錢以收銀機為準
(e)西田百貨 26941111 沙田新城市廣場3期2樓
(f)實惠 26638833 旺角彌敦道610號荷李活廣場1樓全層
(g)永安百貨 27106288 佐敦彌敦道345號永安九龍中心
(h)吉之島10元廣場 34282138 銅鑼灣京士頓街9號家居廣場1樓