當年今日
關於我們

【唞一晚又開工】騷後宣傳新歌 方皓玟明年圓夢出黑膠

蘋果日報 2018/12/18 16:48

方皓玟黑膠碟時間囊珍惜抱病

前晚抱病開騷嘅方皓玟(新聞連結: https://bit.ly/2Lo1AsJ ),休息一日後,今日到商台為新歌《時間囊》宣傳,今次係佢過往10年以嚟,首次跟填詞人林若寧合作,佢話:「當收到份詞嘅時候好開心,因為第一次見到人哋點睇自己,首歌係叫大家要珍惜眼前人,可能自己人又大咗,結咗婚,所以對呢種感覺會有更深感受,唔好覺得家人永遠喺身邊而忽略佢哋。」
方皓玟話今年聖誕將要投入宣傳工作,同埋要忙為明年初推出黑膠碟做後期工序,提到今次首推黑膠碟,佢坦言係完成自己一個夢想。
另外,梁釗峰今日到商台宣傳單飛後首張專輯《閃亮的青春》,望住手中專輯,釗峰不停多謝公司,全因今次製作是不惜工本,到台灣影封面及揀選靚紙質,又到哥本哈根拍新歌《若然冬天沒有花》MV,佢坦言心情正如當初C AllStar出碟時般興奮,佢話:「當初仲未畢業感覺出碟好似課外活動咁,o依家成為真正嘅歌手,做所有嘅嘢都要有責任、有承擔要、有質素。」出碟首日佢會拎住新碟走遍港九新界,親自將碟交到一班出心出力製作新碟嘅幕後團隊及好友,亦會到唱片舖為買碟嘅Fans送上22日於尖沙嘴海旁舉行發佈會入場片。
精選娛聞,喺晒《娛果》
http://fb.com/appledailyent
empty
方皓玟話出年終於可以完成夢想,出黑膠碟。
empty
釗峰今日宣傳單飛後首張專輯《閃亮的青春》。