現年32歲的出爐雙料視后胡杏兒，和下周31歲牛一的男友黃宗澤拍拖6年，二人早前還被發現在火炭晉名峰築愛巢，雖然他們愛得甜蜜，但拍拖期間不時有小風波。杏兒前晚在台慶頒獎禮領視后獎時，激動投訴男友曾講笑要借尿遁，她說：「佢冇去廁所，我知我好多缺點，好難頂，你都好多缺點，你都好難頂，我希望我哋一路頂住大家。」台下的黃宗澤被冧得笑不攏嘴。
據知杏兒近日的確與黃宗澤有拗撬，所以杏兒前晚在台上公開耍花槍，投訴男友難頂，事緣杏兒經常口沒遮攔爆男友料，不但篤爆黃宗澤報大遺失鑽石耳環價值，又揶揄他脷短和尿頻，令黃宗澤非常尷尬，不過男友對她十分包容。

黃宗澤昨日凌晨先到灣仔慶功宴場地，以男主人身份為女友打點，但為避嫌，中場便先行離開，杏兒則玩通宵。杏兒昨日接受商台訪問，要她數自己和男友哪方面難頂？她說：「我太認真，佢太唔認真。」問到男友可有求婚，杏兒說：「點會呀，我啱啱攞獎要更加努力。」可是要等黃宗澤捧視帝才結婚？她說：「佢做戲咁叻，好快可以攞到。」黃宗澤舊愛甄穎珊昨日接受訪問時說：「希望佢哋快啲結婚，佢係好難馴服嘅野馬，佢（杏兒）咁都馴服到！」　
採訪：王崇穎、溫敏芝