當年利東街每呎實用面積的收購價為4,079元,今日竟以逾四倍價錢的定價(平均實呎22,753元)開售,記者告知開價後,May姐在電話上鬧爆市建局,「嘩!不過都係估計之中,始終市區地,一步檻落地鐵站……然而政府成立咗一個地產惡霸(市建局)囉!地產霸權,係人都知。私人地產商,我哋無話可以說,但作為政府成立嘅機構,係咪應該有個帶頭作用(協助基層市民)……」。
May姐又指,近年市建局重建項目常令人有賺盡之感,質疑社會是否仍需要市建局的存在,「佢有咁大嘅權利,係咪應該有社會責任,有承擔,令更多基層受惠呢!」她批評,市建局賺到盡,引述早前《鏗鏘集》報道指,灣仔Queen's Cube未重建時,地積比僅三至四倍,重建後可去到10倍,連帶兩成發水,地積比高達12倍,足足賺多十幾倍。