盛傳同商台交惡嘅鄧紫棋（G.E.M.），早前缺席商台台慶，佢話：「嗰朝我返咗嚟香港，但呢啲都係公司安排。」G.E.M.透露0依家忙緊巡迴個唱，咁會唔會叫男友林宥嘉相助，到台灣做巡迴演唱呢？G.E.M.話：「唔會有朋友幫而賣多啲飛，世界好現實。」

另外，蔡卓妍（阿Sa）話睇微博先知道好姊妹鍾欣桐改名叫鍾欣潼，有指係求姻緣，阿Sa話： 「有打電話問佢，但佢話拍緊嘢，問唔到。」 不過好多粉絲留言鬧爆，阿Sa話： 「我諗佢睇到都會唔開心，每人在世界上多事令自己唔開心，做件事令自己開心咪去做。」 不過阿Sa本身就冇打算改名。