王馨平、王敏德與王麗嘉今日到上水為慈善高爾夫球日擔任嘉賓，三人更為大會進行開球儀式。王馨平丈夫李家輝亦有到場，大合照時兩人並排而立，她笑謂：「畀你哋發現咗添，佢唔係好想影相，因為怕羞，唔想喺雜誌見到自己個貓樣。」王馨平體諒老公不是圈中人，更大讚他很可愛。

王馨平透露初期接觸高爾夫球，亦是與老公齊齊學：「原本我哋係打網球嘅，不過好多朋友都打高爾夫球，所以就一齊學。佢要工作冇乜時間練，我就瘋狂練，所以我球技好過佢。」

提到舊愛鄭嘉穎喜獲麟兒，她直言等對方擺滿月酒：「未搵佢呀，知佢啱啱做daddy實好忙，遲啲等佢百日宴或者滿月酒，我實包封大利是畀佢，我識做嘅。」

同場的王敏德表示以前經常與女兒王麗嘉齊齊打高爾夫球：「而家好少，佢太忙要搵錢。不過我都冇得退休，而家做緊紅酒生意都幾好，不過六年都未回本，要攞返燒晒嗰啲（錢），講起個心都唔舒服呀。」他笑指希望女兒搵€多點錢，他便可以多揸直升機及打高爾夫球：「佢（王麗嘉）好叻，搵幾多就即刻放入銀行。」問王麗嘉可有給父母零用錢？她笑謂：「冇呀，不過佢問我攞我會畀。」談到只有細仔王躍穎仍在學未畢業？王敏德說：「細佬有返part-time賣運動衫，佢身材好fit可以sell到人。」

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2VKESPM

《Captain Marvel》完全導讀本
足料78頁 深度解構最強英雄！
https://bit.ly/2VyXIt2

第二屆最港電影大獎投票網址
https://bit.ly/thekongestfilmawards2018