前無綫藝員王敏明、藝人王維德嘅姐姐同淋巴癌搏鬥6年,最終不敵癌魔,喺個月7號因淋巴癌復發引起併發症逝世,臨終前留畀老公區偉麟最後嘅說話係:「我走啦!天家見啦!」
噚日王敏明喺紅磡世界殯儀館景仰堂設靈,今午以基督教儀式出殯,靈柩會移往大圍富山火葬場火化。目送愛妻離世,一度難過得頭暈手震的區偉麟,噚日下午到靈堂打點,王敏明生前好友韋綺珊、鄭世豪及劉美娟夫婦亦有到場致祭,林淑敏、寶珮如、許愿及王祖藍、李亞男夫婦則送上花牌。
區偉麟受訪時表示心情已經好很多,但一定會不捨得,他說:「我哋拍拖6年,結婚22、23年,成30年冇間斷咁生活,已經融為一體。」不過,佢坦言知道老婆𠵱家去咗一個好好嘅地方,心情都放鬆咗。區偉麟又話:「骨灰會擺喺華人永遠墳場,有教會弟兄安排,靈位係家庭位,可以放4個,將來自己返天家都唔使屋企人操心。」