上個月底，翁虹慶祝生日時，佢喺《大唐雙龍傳》嘅徒弟胡定欣都有出現同師傅慶祝，事後定欣已經話冇見師傅14年，仲話有緣嘅話一定會再見（相關新聞： https://bit.ly/2TyPscg ），估唔到話咁快，呢兩師徒又飯聚，而且今次搵埋幫手「尋親」、兼喺劇中飾演「李秀寧」嘅楊怡添。

《大唐雙龍傳》係胡定欣出道後嘅第一套古裝劇，雖然翁虹喺劇入面係做佢師傅，但據知拍完劇後佢哋兩個就冇再聯絡，直到翁虹搵楊怡、再由楊怡搵定欣，呢對師徒先可以再重遇。繼上月底翁虹生日時，呢對冇見14年嘅師徒再相遇後，唔夠一個月，佢哋兩個又搵埋楊怡出嚟食飯，飯後翁虹仲喺微博晒三人嘅合照，仲寫住：「大唐雙龍三姝十五年後終於歷史性一刻相聚～開心、無懼淡妝和素顏～沒在怕的感恩歲月對我們的眷顧，若年輕則歲月不老！珍惜感恩」。嗱，根據康熙字典，呢個「姝」字嘅解說係指靚女嘅意思，即係話，翁虹讚自己之餘，亦有讚楊怡同定欣靚啦。

就咁睇相，呢三姝好有默契咁都戴住Cap帽，而定欣同翁虹就化咗個淡妝、楊怡就完全素顏。雖然係咁，但就咁睇，上月剛過50歲生日嘅翁虹，拍住楊怡同定欣呢對40歲嘅夠嘅好姊妹旁，一啲都唔輸蝕，而且仲帶有幾分少女味添。

精選娛聞，喺晒《娛果》
http://fb.com/appledailyent

Google Play 2018 年度最受歡迎應用程式，請即點擊 http://bit.ly/2FCthz5 投《蘋果動新聞》一票