著名日本女星酒井法子被爆吸毒後形象插水，事件後可謂一沉百踩，佢近年積極接下大小商演主挽救人氣。日前有傳酒井法子趁30周年將舉辦亞洲巡迴演唱會，將巡迴內地及台灣開騷，話口未完，酒井確定月底去台灣見fans，佢將以特別嘉賓身份出席本月31日喺在Jack’sStudio舉辦嘅「IDOLidgeCarnival」，屆時仲計劃喺西門町搞握手會。

「IDOLidgeCarnival」係個將日本流行文化介紹至全世界嘅活動，積極日本各地及海外舉辦演唱會，用音樂及當地粉絲搭起橋樑，今次活動請到酒井，推測係因為酒井近期於日本舉辦活動都獲大中華粉絲支持，促成呢次相隔18年再訪台灣。「IDOLidgeCarnival」分別在30日、31日舉辦前夜祭及演出，除酒井外，巨胸水着女星篠崎愛、女團「STARMARIE」都抵台會粉絲。

無可否認，強國迷對酒井不離不棄，有內地商品就搵佢做代言人，仲形容今時今日嘅酒井係「國際巨星」o添！