韓劇《OH！必勝奉順英》嘅38歲女星秋瓷炫同大陸男星于曉光今年結婚，兩人仲因為出演韓國綜藝節目《同床異夢2-你是我的命運》而喺當地人氣急升，早前秋瓷炫宣佈懷孕，現時約懷胎三個月。

秋瓷炫大肚獲老公貼心照顧，不過有時于曉光太過緊張，令秋瓷炫都唔知好嬲定好笑，而噚晚播出嘅一集《同床異夢2-你是我的命運》中，二人就首次公開腹中胎兒嘅乳名「大海」，原來于曉光本身好鍾意睇海同水，所以就揀咗呢個名，而秋瓷炫對呢個名都好滿意，而呢個場面就成為噚晚一集收視最高嘅1分鐘，達到11.9%。

另外，于曉光今日喺微博公開父母嘅照片，當中有父母年輕時照片，亦有佢同父親合照，之後仲留言：「長大以後毫無懸念的成為了你」，似乎話自己同老竇好似。

更多韓流，喺晒《娛果》
http://fb.com/appledailyent