方才行紅地毯，仲有黃秋生、霍汶希、古巨基、韓星崔始源等，而負責頒動作指導嘅周秀娜，今晚就一副戰鬥格，仲同兩位師妹﹕DaDa及Hidy一齊到場，現場見娜姐非常震撼，問佢覺得危險嗎？佢話﹕「最危險係著咗高踭鞋，因為隻腳之前受咗傷。」咁係咪真係真空上陣？娜姐話都係0架，因為冇加墊喎，仲話已做足安全措施，現場見佢連膠紙都露埋。

問娜姐點解真直空都可以咁挺？佢話﹕「呢個就係呢件衫得嘅地方喇﹗」佢又話來之前已試過起身坐低，唔會走光。件衫係GiorgioArmani贊助，難怪著得咁靚啦﹗