當年今日
關於我們

哥哥:我好錫細佬 𠵱家唔知佢點

蘋果日報 2003/10/10 00:00


「細佬俾車撞斷腳,唔知佢點呀……」十一歲的唐仔在醫院等候弟弟,說到弟弟的傷勢時擔心得哭個不停;但當他說到平日弟弟每聽他講笑話時,明明不好笑都哈哈大笑的時候,唐仔的心情才開始平復,想着一會兒要給弟弟再講一個笑話。

傷者周一六歲生日
唐仔和康仔兩兄弟在同一間學校念書,唐仔讀小六,而康仔則讀小一。兩兄弟平日感情十分要好,唐仔說:「今個星期一(本月六日)細佬先過完六歲生日,嗰日全家人喺屋企切蛋糕,好開心。」
「細佬鍾意玩電腦遊戲,又鍾意睇電視卡通片《超人廸加》,每次睇完都會扮超人姿勢。佢最鍾意食嘅係麥當勞,每次老竇帶佢去完公園都去麥當勞食麥樂雞同薯條……」唐仔愈講愈開心,他說:「細佬好百厭,跳跳紮,淨係得佢打我,冇我打佢,但係個個都好錫佢,好讓佢。」
唐仔又說:「我都好錫細佬,我講笑話畀佢聽,明明唔好笑,佢都會哈哈大笑,但係𠵱家唔知佢點。」說到這時候,唐仔突然愁眉苦臉,似是擔憂弟弟的傷勢。
empty
康仔父親(右)陪同兒子送院時一臉憂戚,身上仍染有搶救愛兒留下血迹。
張家樂攝