袁潔儀、林雅詩(Grace)、馬天樂及黃夏蕙等，今日去到油麻地一間社區會堂，出席 《老友迎月賀中秋》活動，為長者派送月餅預祝中秋節。

潔儀姐姐話，中秋節對佢來說有特別意義，屬難忘日子，佢話：「2002年與現任丈夫結識，同佢有聯絡，之前有約會都有feel，一年中秋節去廣州做嘢，大家約食飯，再去佢武警部隊玩咗陣，當晚佢打俾我，問我願唔願意做佢女朋友，我問佢唔係已經係喇咩，跟住大家拍拖7年，09年選擇番中秋註冊結婚。」

林雅詩表示最近忙於拍攝自己執導嘅電影《百變神探》，佢話：「一路都拍緊，o依家諗緊一啲飛車場面，自己都想拍到成架車飛起，宜家要忙於練習，劇組已安排咗幾部車俾我撞。」

其男友兼經理人馬天樂表示，飛車場面好多都係好危險，有為Gracr購買保險，問到馬天樂，若發生意外會否養Grace一世，馬天樂笑言：「應該可以。」馬天樂指Grace本身有學飄移技術，拍攝現場亦有飛車特技師傅在場，馬天樂說：「Grace想挑戰自己，保險係買咗，但當然希望佢唔會受傷。」