年屆60歲嘅美國老牌女星寶黛麗（Bo Derek），曾經係70年代性感女神，近日佢難得公開現身出席第57屆Monte Carlo TV festival，成為紅地毯上嘅焦點。

寶黛麗當年憑住《十全十美》（10）奠定女神地位，當中穿上橙色泳衣嘅出水芙蓉場面更加係成為影壇經典，而寶黛麗連日來都於盛會上作悉心打扮，當中一套橙色連身裙令影迷勾起唔少回憶，有傳媒亦大讚60歲嘅佢已保養得相當唔錯。